གཟའ། ལྷག་པ་གནོད་སྦྱིན་མ་ནིང་དང་། །རྒྱལ་བུའི་བླ་གཟའ་དམངས་རིགས་ཏེ། །ཞི་བ་སྔོ་ལྗང་ཆུ་ཡི་ཁམས། །དབང་བསྐུར་རབ་གནས་བསྟན་བཅོས་རྩོམ། །སྒྲ་སྙན་ཡིག་རྩིས་ཆོས་འཆད་ཉན།། སྔགས་བཟླ་རིན་ཆེན་ས་ཆུའི་ལས། །བསྡུམ་བྱ་འབྲེལ་སྟེག་ཁྱིམ་གསར་འཛིན། །མཁར་ལས་ལྷ་ཁང་རྟེན་བཞེངས་པ། །རྫིང་ཡུར་ཁྲོན་འདྲུ་བང་མཛོད་འཛིན། །སྐྲ་འཁྲུ་རྒྱན་འདོགས་གོས་དྲ་གྱོན། །གཡང་བསླན་བྲན་བསྟེན་གཉེན་སྒྲིག་ཚོང་། །ས་ཁ་འབྲུ་འདེབས་སྐྱེ་ཤིང་འཛུགས། །མེ་ཏོག་ལས་དང་འཕོ་སྐྱས་བཟོ། །ཡོན་འབུལ་ཕྱུགས་འདུལ་གཏར་སྲེག་བྱ།། རྟ་དྲེལ་སྒ་རྒྱག་གསོན་ལས་ཤིད། །མོ་རྩིས་རྒྱལ་བུའི་ཁྲུས་ཚུར་ལེན། །རང་དོན་སྒྲུབ་དང་དཀར་ཕྱོགས་དགེ། །ཞི་དང་རྒྱས་པའི་ལས་རྣམས་བཟང་། །དཀར་པོའི་སྟོད་དང་ནག་པོའི་སྨད། །ལྷོ་བགྲོད་ཉིན་མཚན་གཉིས་ཀ་དང༌། །མྱུར་འགྲོས་དར་དུས་འཁྲིག་བུ་མོའི།། ཁྱིམ་དུ་སླེབས་ཚེ་སྟོབས་ཆེ་ཞིང་། །ཁྱད་པར་རྒྱས་པའི་ལས་ལ་བསྔགས། །རབ་བྱུང་ཕྱིར་གཏོང་དུར་གདབ་པ། །བག་མ་ཐབ་བཅའ་ཆང་བཙོ་མདོས། །ཆུ་རགས་སྨན་སྦྱོར་རྐུན་ཇག་དམག །རྩོད་དང་ཞལ་ཆེ་བཟློག་པ་བྱེད། །དྲག་པོའི་ལས་རྣམས་ངན་པས་སྤང༌།། ཚེས། བཅུ་དགུ་སྐྲ་འཁྲུ་ས་ཁ་འབྱེད། །ལམ་ཞུགས་སྲི་མནན་ཞི་ལས་བཟང་། །རབ་གནས་གཤིན་ལས་རྒྱལ་ས་བག །ལྷ་ཁང་རྟེན་བཞེངས་ཕྱུགས་ཉོ་ངན།། སྐར་མ། བྲ་ཉེ་དམེ་སྐར་མེ་ཡི་ཁམས། །འཕུང་བྱེད་ར་ཡི་བླ་སྐར་ལ། །བྲན་བརྟེན་རང་འཐག་སྒྱེད་བུ་འཛུགས། །བྲེས་རྩིག་ར་ཕྱུགས་ལེན་དང་ཉོ། །དགྲ་ལིང་འདྲི་དང་མནན་ཟོར་འཕེན། །འདྲེ་བསྐྲད་ཡུགས་སྐྲ་འཁྲུ་བ་དང་། །རིགས་ངན་དབྱེན་སྦྱོར་གཏད་སེལ་འཛུགས། །རྐུན་མ་ལིངས་བྱེད་རིགས་ངན་ཤིད། །གཞི་རྩོད་དྲག་པོའི་ལས་ཀུན་བཟང་། །ལམ་ཞུགས་ལྷ་གསོལ་ས་བོན་འདེབས། །མཁར་ལས་ལྷ་ཁང་རྟེན་བཞེངས་བ། །རྒྱལ་ས་ཆེ་འདོན་གོས་དྲ་གྱོན། །མོ་རྩིས་བུ་བཙས་དུར་འདེབས་བག །བང་མཛོད་རྩིག་དང་ས་ཁ་འབྱེད། །ར་ཕྱུགས་ཕྱིར་གཏོང་གཡང་བསྟན་སྨན། །རིམ་གྲོ་གཏར་སྲེག་སྐྱེ་ཤིང་འཛུགས། །རྒྱལ་མཚན་བ་དན་འཕྱར་འཛུགས་བཟོ། །རབ་གནས་ལ་སོགས་ཞི་རྒྱས་དང༌། །དཀར་ཕྱོགས་དགེ་བའི་ལས་རྣམས་ངན།། འབྱུང་འཕྲོད། མེ་ཆུ་འཕྲད་པ་འཆི་བའི་སྦྱོར། །འཆི་བའི་སྦྱོར་བས་སྲོག་འཕྲོག་བྱེད། །ཕ་རོལ་གསོད་དང་དུག་སྦྱོར་དང་། །མཐུ་གཏད་ལ་སོགས་རིག་པས་བསྒྲུབ། སྦྱོར་བ། དགའ་བ་འབྲིང་སྟེ་ཚེ་ལ་དགའ། གནམ་སྒོ། ཤིད་ཀྱི་གནམ་སྒོར་ཤིད་སྟོན་དག །བྱས་ན་འཕྲལ་དུ་གཤིན་ལས་འབབ།།  མེ་ལྷ། མེ་ལྷ་ས་སྟེང་གནས་པ་ལས། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །