གཟའ། ལྷག་པ་གནོད་སྦྱིན་མ་ནིང་དང་། །རྒྱལ་བུའི་བླ་གཟའ་དམངས་རིགས་ཏེ། །ཞི་བ་སྔོ་ལྗང་ཆུ་ཡི་ཁམས། །དབང་བསྐུར་རབ་གནས་བསྟན་བཅོས་རྩོམ། །སྒྲ་སྙན་ཡིག་རྩིས་ཆོས་འཆད་ཉན།། སྔགས་བཟླ་རིན་ཆེན་ས་ཆུའི་ལས། །བསྡུམ་བྱ་འབྲེལ་སྟེག་ཁྱིམ་གསར་འཛིན། །མཁར་ལས་ལྷ་ཁང་རྟེན་བཞེངས་པ། །རྫིང་ཡུར་ཁྲོན་འདྲུ་བང་མཛོད་འཛིན། །སྐྲ་འཁྲུ་རྒྱན་འདོགས་གོས་དྲ་གྱོན། །གཡང་བསླན་བྲན་བསྟེན་གཉེན་སྒྲིག་ཚོང་། །ས་ཁ་འབྲུ་འདེབས་སྐྱེ་ཤིང་འཛུགས། །མེ་ཏོག་ལས་དང་འཕོ་སྐྱས་བཟོ། །ཡོན་འབུལ་ཕྱུགས་འདུལ་གཏར་སྲེག་བྱ།། རྟ་དྲེལ་སྒ་རྒྱག་གསོན་ལས་ཤིད། །མོ་རྩིས་རྒྱལ་བུའི་ཁྲུས་ཚུར་ལེན། །རང་དོན་སྒྲུབ་དང་དཀར་ཕྱོགས་དགེ། །ཞི་དང་རྒྱས་པའི་ལས་རྣམས་བཟང་། །དཀར་པོའི་སྟོད་དང་ནག་པོའི་སྨད། །ལྷོ་བགྲོད་ཉིན་མཚན་གཉིས་ཀ་དང༌། །མྱུར་འགྲོས་དར་དུས་འཁྲིག་བུ་མོའི།། ཁྱིམ་དུ་སླེབས་ཚེ་སྟོབས་ཆེ་ཞིང་། །ཁྱད་པར་རྒྱས་པའི་ལས་ལ་བསྔགས། །རབ་བྱུང་ཕྱིར་གཏོང་དུར་གདབ་པ། །བག་མ་ཐབ་བཅའ་ཆང་བཙོ་མདོས། །ཆུ་རགས་སྨན་སྦྱོར་རྐུན་ཇག་དམག །རྩོད་དང་ཞལ་ཆེ་བཟློག་པ་བྱེད། །དྲག་པོའི་ལས་རྣམས་ངན་པས་སྤང༌།། ཚེས། ཉེར་བདུན་ལམ་ཞུགས་སྐྲ་འཁྲུ་གཤིན། །འབྲུ་འདེབས་ཐབ་བཅའ་རྒྱས་ལས་བཟང་། །རབ་གནས་རྒྱལ་ས་ལྷ་རྟེན་བཞེངས་། །དྲན་བསྟེན་ནོར་ཉོ་བག་མ་དང་། །སྦྱིན་སྲེག་ཤྭ་རགས་རྩིགས་པ་ངན།། སྐར་མ། སྐག་ནི་མགྲོན་སྐར་ཆུ་ཡི་ཁམས། །འབྲས་བུ་ངན་པ་ཁྱི་གཅན་བླར། །དཀྱིལ་འཁོར་འབྲི་སྒྲུབ་གྲོང་ཁྱེར་གཞོམ། །དམག་ཇག་གསོད་གཅོད་སེར་བ་དཔབ། །རྒྱན་བརྡུང་རྫིང་ཡུར་འདྲུ་ལམ་འཆོས། །ར་བ་རགས་རྩིག་ཞུ་གསོལ་ཚོང་། །དགྲ་བྲུབ་སྲི་མནན་བུ་ལོན་འཇལ། །མི་ཤི་སྐབ་ཆོག་གཤིན་ཆོས་དང་། །གསེབ་གཏོང་གྲོས་ཐག་གཅོད་ཆུ་སྒྱུར། །ཕ་རོལ་གཡོ་བསླུས་སྐྱེ་ཤིང་འཛུགས། །ཞི་བའི་ལས་དང་ཁྱད་པར་དུ། །མངོན་སྤྱོད་དྲག་པོའི་ལས་ཀུན་བཟང་། །རབ་གནས་ལྷ་གསོལ་སྨན་སྦྱོར་སྐྱས། །དྲ་གྱོན་རྒྱན་འདོགས་རྒྱལ་སར་བསྐོ། །མཁར་ལས་ལྷ་ཁང་རྟེན་བཞེངས་བ། །མོ་རྩིས་དོན་གཉེར་ཁྱིམ་གསར་འཛིན། །ཕྱུགས་འདུལ་འབྲེལ་སྟེག་ལམ་དུ་འཛུག །ཐབ་བཅའ་སྦྲ་ཕྱར་ར་ཕྱིར་གཏོང༌། །རྟ་བོང་སྒ་བཅོས་ཞལ་ཆེ་བག །རོ་འདོན་ལྟད་མོ་ཐག་ཁྲི་འཛུགས། །དགེ་ཆོས་བརྟན་པའི་ལས་རྣམས་ངན།། འབྱུང་འཕྲོད། ཆུ་གཉིས་ནང་འཕྲད་བདུད་རྩི་སྦྱོར། །བདུད་རྩི་སྦྱོར་བས་ཚེ་སྟོབས་འཕེལ། །སྨན་སྦྱོར་ཁྲུས་བྱེད་བག་མ་ལེན། །ཚེ་དབང་ཚེ་སྒྲུབ་ཆོ་ག་དང་། །གཉེན་དང་ཚོང་བསྐྱེད་འཕེལ་ལས་བཟང་།། སྦྱོར་བ། གྲུབ་པ་བསམ་པ་ཐམས་ཅད་འགྲུབ། གནམ་སྒོ། བག་མའི་གནམ་སྒོར་བག་མ་ཡི། །གཏོང་ལེན་བྱས་ན་ཡུགས་ས་འབབ།།  མེ་ལྷ། མེ་ལྷ་ས་སྟེང་གནས་པར་བརྟེན། །སྲེག་བླུགས་འབུལ་ན་སྒྲུབ་པ་པོར། །དངོས་གྲུབ་རྣམ་གཉིས་ཐོབ་པར་འགྱུར། །